Џенова во најквалитетната италијанска лига го претрпе и 10 пораз (четврти по ред) сезонава откако загуби на гостувањето од Лацио со 3:1.

Македонскиот напаѓач Горан Пандев настапи од првата минута против римските „небесно-сини“, но не се запиша во листата на стрелците.

Нашиот играч настапи до 59 минута кога беше заменет од Екубан, а по првиот дел водеше домаќинот со голот на Педро.

Во второто полувреме Ачерби и Закањи се погрижија за зголемување на предноста, а единствениот погодок за гостинската екипа го реализираше Мелегони.

Лацио после осмата победа се наоѓа на осмото место со 28 бодови, колку што имаат Рома и Јувентус на шестата и седмата позиција. Џенова која и сезонава ќе се бори за опстанок е на 19 претпоследна позиција со 10 бодови.

Куп на Италија: Пандев, Елмас и Несторовски ги дознаа ривалите во осминафиналето