ВИДЕО: Новинарите на „Слободен печат“ од минута во минута известуваа од Самитот на ОБСЕ
Заедно со шефовите на дипломатиите од земјите членки на ОБСЕ и партнерските земји на Организацијата во Скопје пристигнаа над 250 новинарски екипи. Првиот ден од министерскиот состанок на ОБСЕ помина напорно за новинарите бидејќи следеа повеќе сесии и излагања на учесниците.
И екипата на „Слободен печат“ денеска, а и во текот на утрешниот ден редовно ќе информира за случувањата на овој Самит, кој пак е најголем настан од ваков формат во историјата на државава.
Во преуредениот спортски центар „Борис Трајковски“ во функција е ставен прес центар од каде новинарите го следеа самитот и известуваа.
Новинарите од „Слободен печат“ Борјан Бојчев, Кристина Ивановска, Соња Христовска Угриновска и главната уредничка Жана П. Божиновска се погрижија читателите на „Слободен печат“ навреме да ги добиваат сите информации од овој самит.
Погледнете ја таа работна атмосфера од снимката на колегата снимател Методи Здравев: