Манчестер сити успешно ги искористи сите лоши резултати на директниот конкурент за титулата Арсенал и повторно е на врвот во Премиер лигата.

Играчите на Пеп Гвардиола ја продолжуваат победничката серија, на својот „Етихад“ овојпат убедливо со 3:0 го совладаа Вест хем. Сите голови беа постигнати во второто полувреме, првиот беше дело на Аке во 50, вториот го реализираше Халанд во 70, а третиот Фоден во 85 минута.

На табелата водат „граѓаните“ со 79 бодови, еден повеќе од второпласираниот Арсенал, со напомена дека Сити има и еден натпревар помалку, па така составот на Гвардиола е во „пол-позиција“ на пет мечеви до крајот сезонава повторно да стигне до шампионскиот трофеј.

До три бода стигна и Ливерпул кој пред своите навивачи на „Енфилд“ минимално со 1:0 триумфираше над Фулам.

Стрелец на единствениот погодок за „црвените“ беше Салах во 39 минута од пенал. Екипата на Јирген Клоп е на петтата позиција со 59 бодови, додека Фулам после третиот пораз во низа е на 10 место со 45.