ВИДЕО: Левандовски ја искина мрежата на Келн
Фудбалерите на Баерн Минхен се вратија на победничките патеки во Бундеслигата по поразот од Борусија Менхенгладбах и денеска славеа убедлив триумф над Келн од 0:4.
Главен реализатор беше Роберт Левандовски кој постигна хет-трик. Полјакот погоди водеветтата минута, а во 25 минута Толисо зголеми на 0:2. Во второто полувреме, Левандовски постигна два гола, во 63. и 75. минута за убедлив триумф на Баерн кој е лидер на табелата со 46 бода, шест повеќе од Борусија Дортмунд.
Лајпциг оствари важна победа на гостувањето кај Штутгарт со која остана во трка за позициите кои носат пласман во европските купови. Победата на Лајпциг му ја донесоа Андре Силва и Нкунку.
Унион Берлин остана во битката за Лигата на шампионите по победата над Хофенхајм од 2:1. Баумгартл со автоголот во 16 минута му донесе водство на Хофенхајм, но Фоглзамер шест минути подоцна погоди за израмнување.
Конечниот резултат го постави Промела во 73 минута.
Резултати:
Келн – Баерн М. 0:4
Мајнц – Бохум 1:0
Штутгарт – Лајпциг 0:2
Унион Берлин – Хофенхајм 2:1
Волфсбург – Херта Б. 0:0