ВИДЕО | Легендарниот бел фустан на Мерилин Монро е најскапиот филмски костим
Сцената од филмот „The Seven Year Itch“, во која Мерилин Монро стои над решетките на метрото стана легендарна.
Фустанот што славната русокоса го носи во тој филм од 1955 година собори и светски рекорд.
Коктел фустанот со боја на слонова коска, дизајниран од оскаровецот Вилијам Травиља, е една од најлегендарните облеки во историјата на филмот и најскапиот филмски костим на сите времиња, според Гинисовата книга на рекорди.
Фустанот беше продаден на аукција во 2011 година за 4,6 милиони долари. Неверојатната цена го собори рекордот што претходно го постигна црниот фустан на „Живанши“, што го носеше Одри Хепберн во филмот „Breakfast at Tiffany’s“.
Истиот фустан го носеше и актерката Роксан Арлен, за улогата на г-ѓа Робертс во „Bachelor Flat“ во 1961 година.
ФОТО | Мерилин Монро и Џо Димаџио: Љубов каква што му прилега на Холивуд