По три порази тимот на Лајпциг конечно победи во Бундеслигата, тимот на Елиф Елмас во денешниот натпревар од 20. коло славеше победа против Унион Берлин со 2:0.

Уште на стартот од натпреварот домаќините покажаа дека се порасположени за игра и создадоа неколку прилики за гол. Една од тие прилики искористи најдобриот стрелец на тимот Лоис Опенда кој погоди по 11 минути игра. Иако со оглед на шансите Лајпциг можеше да води и со поголема разлика, сепак на паузата беше само 1:0.

Во сличен ритам започнаа и вторите 45 минути, домаќините констатно беа тие кои го диктираа темпото. Вториот гол беше дел на одличниот словенечки репрезентативец Бенџамин Шешко. Во продолжението фудбалерите на Лајпциг немаа проблем да ја задржат предноста.

Македонскиот репрезентативец Елиф Елмас и во овој натпревар не доби голема минутажа и во игра влезе во 77-та минута. Лајпциг во овој момент е петти во Бундеслигата со 36 бода, додека Унион Берлин со 17 е на петнаесеттата.