Од словенечкиот град Рогашка Слатина, колони камиони се упатија кон Петриња, носејќи им помош на граѓаните и опрема за пребарување на теренот. Исто така, од Пореч беше испратена донација од повеќе од триесет камп приколки. 

Словенечката влада им дозволи на граѓаните кои сакаат да помогнат да достават помош и да се вратат за помалку од 48 часа.

Помош за Хрватска испратија и други европски земји, како што се Австрија, Италија, Грција, Романија, Чешка, Шведска и Србија.

Претседателот на округот Сисак-Мославина, Иво Жиниќ, изјави дека во Глина и околината нема вода, како и дека некои делови од Петриња се без електрична енергија.

Тој додаде дека околу 500 жители ја поминале ноќта во бараките во Петриња, а многумина биле со роднини и пријатели.

Телефонски броеви за донации за Хрватска – Црвен крст со апел за помош по разорниот земјотрес

Според локалните медиуми, помошта пристигнала во форма на зимски шатори, електрични грејачи, кревети, постелнини, вреќи за спиење.