Во последното свое интервју, актерката Ким Катрал (66) рекла дека враќањето во улогата на Саманта Џоунс, ја натерало да се чувствува како „да се вратила во минатото, имала одлично попладне, а потоа се напила одлично мартини“, пишува „Дејли мејл“.

Таа била прашана дали би сакала уште повеќе да биде дел од серијата, на што одговорила „До тука ќе одам“.

Сепак, во текот на интревјуто, Ким го оставила отворено прашањето дека можеби краткото појавување нема да биде последното што ќе го видиме во серијата „And just like that“.

„Мислам дека никогаш нема да се збогувам со Саманта. Таа е како и многуте други ликови што ги правев со текот на годините. Многу емотивно се врзувам и ги заштитувам моите ликови. Таа ми даде толку многу и јас сум многу благодарна за неа“, додала Ким.

Инаку, Ким Катрал ќе се појави како Саманта само во една сцена. Според изворите, таа ја снимила својата сцена на 22 март во Њујорк, без да ги види или да разговара со другите ѕвезди од серијата, вклучувајќи ги Сара Џесика Паркер и Мајкл Патрик Кинг.

Во таа сцена Саманта, која се преселила во Лондон, има телефонски разговор со Кери Бредшо. Во првата сезона на „And just like that“, ликот на Кери се допишуваше со Саманта, а во финалето тие две направија план да се видат и конечно да се смират.

Во продолжение погледнете го видеото:

ФОТО | Се враќа еден од омилените ликови од „Sex and the City“, обожавателите се пресреќни

Ќе ве изненади: Ким Катрал имала два услова за да се врати во „Sex and the City“