Каталонскиот клуб го претрпе и четвртиот пораз сезонава овојпат на гостувањето кај Кадиз со резултат 2:1.

Уште во осмата минута домаќините дојдоа во водство преку Хименез, а израмнувањето се случи во 57 минута после автоголот на Алкала. Клучниот момент се случи во 63 минута кога трите бода за домаќините ги донесе екс играчот на Реал Мадрид, Негредо (63`).

Кадиз дојде од втората лига (Сегунда), и веќе успеа да триумфира над најголемите шпански и светски клубови, Реал и Барселона, дефинитивно е голем хит во шампионатот.

Моментно на табелата во „Ла Лига“ Барса се наоѓа на седмото место со 14 бодови, четири помалку од петтопласираниот Кадиз кој има 18.

Да додадеме уште дека Атлетико Мадрид ја продолжи победничката серија откако на домашен терен со 2:0 го совлада Ваљадолид и е водечки со 26 бодови.

ВИДЕО: Каква среќа за „кралевите“, лоша реакција на голманот Боно!