ВИДЕО: Израел го гранатираше Дамаск, има жртви и повредени јавуваат сириските медиуми
Најмалку пет лица загинаа, а 15 се ранети во израелски воздушни напади врз станбен кварт во сирискиот главен град Дамаск рано утринава, јавија сириските државни медиуми.
Силни експлозии се слушнале во централниот дел на градот околу 12.30 часот по локално време, а сириската државна новинска агенција САНА објави дека сириската противвоздушна одбрана „се спротивставува на непријателските цели на небото околу Дамаск“.
— zoranceran (@zoranceran2) February 19, 2023
Како што наведува САНА, повикувајќи се на воен извор, меѓу петмината загинати има и еден војник, ранети се 15 лица и „уништени се неколку станбени згради“.
Сириската опсерваторија за човекови права со седиште во Велика Британија, која ја следи војната во Сирија, соопшти дека 15 лица, вклучително и една жена, биле убиени во напади насочени кон локации поврзани со иранските милиции и либанската екстремистичка група Хезболах.
Се вели дека една од целите е иранско училиште во населбата Кафр Суса во сириската престолнина. Израел засега не го коментираше нападот.
Израелската војска често напаѓа цели во близина на Дамаск, а последниот напад беше прв по земјотресот со јачина од 7,8 степени според Рихтеровата скала што ги погоди Турција и Сирија на 6 февруари.
Претходниот напад на Дамаск се случи на 2 јануари, а сириската армија тогаш соопшти дека израелската војска истрелала ракети врз меѓународниот аеродром во сириската престолнина, затворајќи го и убивајќи двајца војници, а други двајца беа ранети.
Live: Syrian air defense systems engaging #Israeli missiles over southern Damascus countryside. pic.twitter.com/TKcnLMW8gw
— Majd Fahd 🇸🇾 (@Syria_Protector) February 18, 2023
Израел со текот на годините изврши стотици напади врз цели во делови на Сирија контролирани од владата во Дамаск, но ретко ја презема одговорноста за таквите напади или разговара за нив.
Меѓутоа, израелските власти признаа дека се насочени кон базите на организациите како Хезболах, која испрати илјадници борци да ги поддржат силите на сирискиот претседател Башар ал Асад.
The aftermath of the Israeli airstrikes where a building hit by an unidentified missile in Kafr Souseh neighbourhood of Damascus city. pic.twitter.com/w6ZSnABB8m
— Majd Fahd 🇸🇾 (@Syria_Protector) February 18, 2023
Нападите на аеродромите во Дамаск и Алепо се резултат на стравувањата дека тие би можеле да бидат искористени за испорака на иранско оружје во таа земја.