Младите се се повеќе заинтересирани за европските пари и се повеќе апликанти за ИПАРД се од страна на млади земјоделци, вели Никица Бачовски во интервју за емисијата „Утрински печат“ на Слободна ТВ. Доказ за тоа е и максималното искористување на европските пари од ИПАРД 2 каде се искористени цели 97 милиони евра.

– Напуштањето на младите на сектор земјоделство е глобална појава со која може да се борите само ако имате цврста финансиска поддршка која ќе ја препознаат младите. Еден од инструментите е ИПАРД програмата. Бројките во 2016 беа никакви. Но сега има целосно искористување на проектот. Има услови и критериуми кои можат да се искористат. Почнува информативна кампања од денес во 44 места и сите кои сакаат може да искористат пари од ИПАРД 3- вели Бачовски.

Директорот на Платежната агенција вели дека поддршката не е фокусирана само на земјоделство. Има и други сегменти наменети за младите во руралните средини.

– Се поедностави и апликацијата која треба да се поднесе од земјоделците. Во 2010 до 2016 беше пробен период. Земјоделците знаат да произведуваат храна, но не знаат да работат со документи. Немавме доволно вработени. Сега се поедностави многу работата и исплатата се прави во рок од шесет месеци од денот на поднесување на барање за исплата. Се исплаќа најмногу за 6 месеци- вели Бачовски.

Од ИПАРД се финансираат системи за наводнување, градби, механизација.

На прашањето која е најголема инвестиција во пари, Бачовски рече дека дека најголеми инвестиции има во преработувачки капацитети, а како бројка најмногу апликации има за земјоделска механизација.

-Многу нови преработувачки капацитети, но и многу додадени. Сега скоро се се преработува нема вишоци. Млекарници ,ладилници, винарници, кланица, фарма за тов за говеда, фабрика за преработка за овошје и зелнчук се само дел од капацитетите. Многу хотели, конаци, мотели за рурален туризам се направени со ИПАРД. Кај Бигорскиот манастир има нови конаци направени со нивни пари. „Кораб Трница“ како комплекс, хотел „Фреја“ во Струга се само дл од инвестициите. Тоа не се големи комплекси, според критериумите не смее да има повеќе од 20 соби, не повеќе од 50 легла. Битно е да се во рурална средина- вели Бачовски.

Исто така со европски пари може да се финансира и занаетчиство. Најголема сума исплатена на правно лице е 2 милиони евра за кланица во Струга.

Најмногу пари се искористени во Пелагонија и Овче Поле. Таму е најголемата концентарција на земјоделци. Полошкиот регион е со најмалку искористени пари.

-Македонија има двојно повеќе договори од сите држави од регионот. Ние максимално сме посветени на ИПАРД биидејќи се неповратни средства и мора да се трудиме да се искористат- вели Бачовски.

Во интервјуто за „Слободна ТВ“ Бачовски зборува за жените земјоделки за нивното фаворизирање, за кофинансирање на самиот почеток на апликација.