Илјадници демонстранти излегоа вчера на улиците на португалскиот главен град Лисабон за да побараат подобри услови за живот во време кога високата инфлација уште повеќе им отежнува на луѓето да врзат крај со крај, пренесе Ројтерс.

Португалија е една од најсиромашните земји во Западна Европа. Според владините податоци, повеќе од 50 отсто од работниците заработувале помалку од 1.000 евра месечно минатата година. Минималната месечна плата во земјава е 760 евра.

Цените на куќите во Португалија ќе пораснат за 18,7 отсто во 2022 година – најголем пораст во последните 30 години. Пораснаа и кириите, делумно поради шпекулативниот балон на пазарот за недвижнини. Ниските плати и високите кирии го прават Лисабон трет најскап град во светот за живеење, според британската осигурителна компанија ЦИА Лендлордс. Инфлацијата од 8,3 отсто во Португалија го зголеми проблемот.

Според официјалните податоци, околу 20 отсто од Португалците живеат во странство. Минатата недела, Владата објави значителен пакет мерки за справување со станбената криза, но групите за човекови права рекоа дека предлозите ќе имаат мал ефект доколку властите продолжат да промовираат други политики за привлекување богати странци во земјата.