ВИДЕО | Гацов: Нозете ги испруживме над чергата и веќе сме со голи нозе, го поминуваме максималниот износ на задолжување
-Буџетот е најважната алатка на секоја влада за реализација на политиките ветени во предизборието. Него ќе го донесе онаа влада што ќе дојде на власт. Буџетот е како водич по кој се насочуваме како ќе се одвива реализацијата на проектите, смета финансискиот консултант Павле Гацов, во гостувањето во Утрински брифинг.
Според него доколку не стигнат средства од буџетот тогаш се прибегнува кон ребаланс.
-Не треба да не чудат надуваните бројки кај капиталните расходи бидејќи тие скоро секогаш слабо се реализираат. Буџетот е сублимат, влез и излез, очигледно е ако не остварувате доволно приходи ќе мора да се задолжувате. Македонија премногу се задолжува. Тоа ќе продолжи и во наредниот период преку различни видови обврзници но ако не тргне економијата напред овие калкулации не се добри, вели Гацов.
Еден од проблемите во државата е сивата економијата и тешкотиите институциите да се справат со неа.
-Ако се земе дека е – трговијата не е опфатена со јавните давачки може да се каже дека тие се плодна почва на сивата економија. Изминатиот период не се направи опфат на сивата економија со јавните давачки. Треба да се позиционираат системски правила, отварање регистри на интернет продавници и тие да се регистрираат, и втората работа е со репресивни мерки да им се наложи да се регистрираат, изјави за Утрински брифинг финансискиот консултант Павле Гацов.
Целиот разговор погледнете го во видеото: