Претседателот на Србија Александар Вучиќ и претседателката на Европската комисија Урсула фон дер Лајен ги посетија работите на изградбата на гасниот интерконектор Србија-Бугарија кај Нишка Бања, што треба да заврши до септември 2023 година, објави РТС Претседателот на Европската комисија ја покани Србија да влезе со ЕУ во заедничката набавка на гас и најави непосредна буџетска поддршка од 165 милиони евра.

Вучиќ: Ќе направиме се за да ги зачуваме мирот и стабилноста

Претседателот Вучиќ, во однос на односите со Приштина, рече дека Белград ќе направи се за да ги зачува мирот и стабилноста, но и дека „сите еднострани потези досега се направени од Приштина, а не од Белград“.

„Загрижен сум. Ја видов вашата конференција со г-ѓа Вјоса Османи. Видов дека таа ја искористи можноста да зборува против Белград и Србија. Нема да го сторам тоа, никогаш нема да го сторам тоа. Можам само да ви кажам дека ќе направиме се што можеме за да ги спасиме мирот и стабилноста“, рече Вучиќ.

Фон дер Лајен рече дека Србија, како и остатокот од континентот, е погодена од тешкотиите што постојат на енергетскиот пазар, поради што ЕУ одлучила да преземе одредени мерки.

На краток рок, додаде таа, се планира помош за Западен Балкан, а Србија, како што вели, ќе добие 160 милиони евра буџетска помош за поддршка на загрозените членови на општеството и малите и средни претпријатија да се справат со високите цени на енергенти.

Таа посочи дека одржливо решение не е само помошта, туку потребни се и инвестиции.

Во таа насока, таа рече дека ЕУ има обезбедено 500 милиони евра грантови за земјите од Западен Балкан за инвестиции во инфраструктурата и ги спомена трите проекти: Трансбалканскиот струен коридор од Италија преку Србија до Бугарија, изградбата на нова енергетски ефикасна Универзитетска детска болница и изградбата на интерконектор меѓу Србија и Северна Македонија.

Фон дер Лајен на прашањето за политиката за воведување на санкции кон Русија рече дека процесот на проширување на ЕУ се заснова на заслуги и дека тој е во рацете на земјата која сака да се приклучи.

„Важно е да се усогласиме со заедничката надворешна и безбедносна политика, бидејќи членството во ЕУ значи споделување на истите вредности, рече таа и додаде дека „сметаме на Србија како доверлив партнер, бидејќи заедно можеме да ги одбраниме заедничките принципи”.

Таа изјави и дека дијалогот ќе се интензивира за да се најде соодветно решение за табличките на Косово, а „она што ни треба е конструктивност и флексибилност од двете страни