ВИДЕО | Елмас повторно доби 20-тина минути, Наполи славеше со Болоња
Наполи вечерва во одличен натпревар славеше против Болоња со 3:2 во рамките од Серија А и така се врати на првата позиција на табелата.
Болоња прва стигна до водство на четири минути до крајот на полувремето, меѓутоа Жуан Жесус во последните моменти од првиот дел се погрижи за на пауза да се замине со 1:1. Веднаш на стартот на второто полувреме Наполи прави целосен пресврт и во 49. минута поведува со 2:1.
Тој гол не ја откажа Болоња, па Бароу успеа да изедначи на 2:2. Победничкиот гол на Наполи беше дел она Виктор Осимен во 69. минута. Треба да се спомене дека Наполи иако победи само со гол разлика доминираше преку целиот натпревар и многу лесно можеа да постигнат и пет-шест гола.
Македонскиот репрезентативец Елиф Елмас како и најголем дел натпреварите оваа сезона влезе од клупата за резерви и ги одигра последните 20-тина минути од средбата. Наполи сега со осум победи и 26 бода е лидер во калчолигата, а потоа следува Аталанта со 24, Лацио и Удинзе имаат по 21.