ВИДЕО: Драма во Истанбул, Фенербахче во последната секунда го урна Реал Мадрид
Кошаркарите на турскиот Фенербахче вечерва по едно продолжение на својот терен во Истанбул го победија Реал Мадрид со 100:99 (16:29, 21:15, 22:23, 28:20, 13:12), во натпреварот од 11 коло од Евролигата. За шпанскиот клуб ова е прв пораз во ова натпреварување.
Реал водеше речиси цел натпревар, во последната четвртина имаше и „плус 14 поени“ предност, а во последните шест секунди влезе со позитива од 99:96.
Играчот на Фенербахче Гудуриќ ги погоди двете слободни фрлања на крајот, а потоа му ја украде топката на играчот на Реал, Кампацо и му асистираше на Мадар, кој во последната секунда го постигна победничкиот кош за голема радост кај кошаркарите на Фенер и домашните навивачи.
Гудуриќ беше најефикасен во победничкиот тим со 21 поен, а во тимот на актуелниот европски шампион најефикасен беше Кампацо со 33 поени и седум асистенции.
Реал има 10 победи и еден пораз на првото место, а Фенербахче шест победи и пет порази на седмата позиција во генералниот пласман.
Во другите денешни мечеви: Монако – Олимпијакос 85:77 и Макаби Тел Авив – Алба Берлин 102:81.