ВИДЕО: Драма на „Олд Трафорд“, болен удар за Јунајтед во последните секунди!

Фото: EPA-EFE/Michael Regan/POOL

Во последниот натпревар денеска во Премиер лигата имаше најмногу погодоци, вкупно шест, односно ремизираа екипите на Манчестер јунајтед и Евертон (3:3). „Црвените ѓаволи“ беа многу блиску до победата, но во самиот финиш составот на Анчелоти успеа да да си замине со бод од ова тешко гостување.

Екипата на Солскјер водеше со 2:0 после првото полувреме со погодоците на Кавани (24`) и Фернандеш (45`). Португалскиот интернационалец Фернандеш сега има 13 лигашки голови оваа сезона, повеќе од било кој друг играч од средниот ред во Топ 5 европските лиги.

На стартот од вториот дел гостите за период од три минути израмнија со головите на Дукуре и Родригез. Дукуре сега има три гола против Јунајтед во Премиер лигата, против ниту една друга екипа од елитата нема повеќе погодоци, а досегашниот учинок на Родригез е пет погодоци и три асистенции сезонава.

Во 70 минута МекТоминеј го враќа домаќинот во водство, а конечниот епилог го постави Калверт-Левин во судиското надополнување (90+5`).

Моментно на табелата води Манчестер сити со 47 бодови, два повеќе од Манчестер јунајтед, со напомена дека „граѓаните“ имаат два меча помалку. Евертон после шестиот пораз е на шестата позиција со 37 бодови.

Во претходните средби од денешната програма во 23 коло: Фулам-Вест Хем 0:0, Њукасл-Саутемптон 3:2, Барнли-Брајтон 1:1 и Астон Вила-Арсенал 1:0.

ВИДЕО: Астон Вила и по вторпат сезонава го совлада Арсенал!

Видео на денот