ВИДЕО: Астон Вила и по вторпат сезонава го совлада Арсенал!
Денеска во првиот натпревар од саботната програма во Премиер лигата (23. коло), екипата на Астон Вила триумфираше на домашен терен со 1:0 против Арсенал..
Единствениот погодок домаќините го реализираа уште во втората минута од средбата на „Вила Парк“ благодарение на Воткинс после асистенцијата на Траоре.
И по вторпат сезонава Астон Вила успеа да слави против „топџиите“ кои повторно ги разочараа своите навивачи. Во првиот меѓусебен дуел на „Емирати“ стадионот во Лондон на 8 ноември 2020 година Астон Вила беше уште поубедлива со 0:3, тогаш еден гол на Сака, и два на Воткинс.
Така за првпат од сезоната 1992/93 (Воткинс сè уште не беше роден) „лавовите“ од Бирмингем забележаа две победи во една премиерлигашка сезона над Арсенал.
На табелата Астон Вила е на осмото место со 35 бодови, четири повеќе од лондонскиот клуб на 10 позиција.