Кошаркарите на Голден стејт доживеаја дебакл во третиот натпревар од полуфиналната плеј-оф серија на Западната конференција, откако во Лос Анџелес беа поразени од Лејкерс со резултат 127:97.

Актуелните НБА шампиони првата четвртина ја добија во своја корист со резултат 30:23, а потоа тимот од Сан Франциско почна целосно да се распаѓа.

Лејкерси тоа го искористија на најдобар можен начин и лесно стигнаа до убедлива победа и предност од 2:1 во серијата.

Ентони Дејвис беше најефикасен кај „езерџиите“ со 25 поени, три скока, четири блокади и три украдени топки, додека неговиот соиграч Леброн Џејмс мечот го заврши со 21 поен, запиша по осум скока и асистенции. На спротивната страна за Вориорси Стеф Кари постигна 23 поени, Ендрју Вигинс 16, а Клеј Томпсон 15 поени.

Серијата се игра на четири победи, а следниот меч ќе се игра на истото место ноќта помеѓу понеделник и вторник. Доколку играчите на Стив Кер не успеат да триумфираат, ќе се најдат во исклучително тешка ситуација.