Компанијата за роботи на „Амазон“, „Зукс“, носи самоуправувачки автомобил без волан или педали на јавните патишта во САД како дел од експериментот за воспоставување на мобилност без возач.

Таксито, дизајнирано за сместување на четворица патници, го заврши своето прво пробно возење меѓу двете згради на компанијата во Фостер Сити, Калифорнија, објави „Зукс“.

На пробната патека, возилото се движело со брзина до 56 километри на час, поминувајќи ги семафорите и вртејќи лево-десно. Сега се планира да се воспостави превоз за вработените. „Зукс“ се подготвува да лансира услуга за роботакси во Лас Вегас, меѓу другите локации, а исто така испраќа модифицирани теренци на „Тојота“ со сензори како тест возила на патиштата во Сан Франциско и Сиетл.

Во меѓувреме, „Круз“, компанија во сопственост на автомобилскиот гигант „Џенерал моторс“, исто така сака да воведе роботакси без волан или педали во САД. Круз веќе има дозвола да превезува патници во областа Сан Франциско, но засега само ноќе. Компанијата користи конвертирани електрични автомобили Шевролет Болт, кои имаат волани и педали, но без возач.

Сепак, неколку инциденти во кои возилата на Круз накратко ги блокираа патиштата се најдоа на насловните страници во последните месеци. Градот Сан Франциско оттогаш се спротивстави на барањата на Круз и сестринската компанија „Гугл вејмо“ да ги прошират операциите на роботакси.

ФОТО | Стартап од Далас е решен да ја оживее изумрената птица додо

Фасцинантно откритие: Ровер на НАСА наиде на метален објект на Марс

ФОТО+ВИДЕО | Никој не може да седи подолго од еден час во најтивката соба во светот