Фудбалерите на Брајтон со 1:0 на гостински терен против АЕК во петтото коло од групната фаза на Лига Европа обезбеди пласман во нокаут-фазата.

Англичаните го постигнаа единствениот гол од пенал во 55 минута, а стрелец беше Жоао Педро. За Грците проблемите се зголемија по двата жолти картони на Гачиновиќ во 65 минута.

Фрајбург го декласираше Олимпијакос 5:0, а победникот беше решен уште во првото полувреме кога домаќините постигнаа четири голови. Хет-трик запиша Грегорич, а еден погодок имаше Сидилиа. Конечниот епилог го постави Доан во 77 минута.

ТСЦ загуби со 1:0 на домашен терен од Вест хем, англискиот претставник дојде до триумф во 89 минута преку Соучек. Македонскиот интернационалец Мартин Мирчевски остана меѓу резервите во српската екипа.

ТСЦ ги загуби шансите за понатамошен пласман, по 12 бодови имаат Вест хем и Фрајбург, четири Олимпијакос, а еден ТСЦ. Последниот меч тимот на Мирчевски ќе го одигра на гости на 14 декември против Олимпијакос.

Во другите денешни мечеви: Аталанта – Спортинг 1:1, Макаби Хаифа – Рен 0:3, Спарта Прага – Бетис 1:0, Штурм Грац – Ракув 0:1.