ВИДЕО | Босилков: Политичките партии се обидуваат да се „шлепаат“ на независните, но граѓаните знаат да направат разлика
Задоволство ми е што се менува политичката сцена и разбирањето на политиката. Со независните листи тука тоа е доведено до ниво на феномен, вели за Утрински брифинг проф. Иво Босилков од Американскиот универзитет во Скопје, долгогодишен невладин активист.
Тој коментира дека неизбежно е политичките партии да се обидуваат да се „шлепаат“ на тој воз и тоа е индикатор за начинот на кој функционираат партиите.
Препорачано
Целта е да се победи и партиите сметаат дека вака е полесно да се анимира електоратот. Во услови кога има вистински независни кандидати потценување е дека граѓанството не може да се направи разлика кој е кој, а граѓанскиот центар се обидува да ги истакне тие разлики, вели Босилков.
Каратеристичен феномен на политиката денес е и т.н. таблоидизација со кандидирање на популарни личности од сферата на музиката, актери, инфлуенсери од Инстаграм и слично кои утре, ако бидат избрани, ќе треба да водат сериозни работи како општински буџети и слично. Токму од тие причини независните на локалните избори излегуваат со листи за советници а не и со кандидати за градоначалник оти сметаат дека советниците се побитни, а градоначалникот теоретски е фигура за јавност и некој кој координира, коментира Босилков.
Селебритизацијата е израз на его трип да се додаде нешто во CV, а не вистински да се помогне, да се поттикне електоратот да гласа за кандидат кој потоа ќе владее лошо, потенцира тој.
Појавата на независните е производ и на граѓански револт. Револтот на кој треба да сметаат независните е рационален револт на политички свесни луѓе кои гледаат дека има промени и можности да се учествува во нешто ново. Поентата на разликите во листите е да се остави идеологијата на страна и луѓето да се вклучат во работи што треба да се решат. Граѓаните тоа го препознаваат што покажува и анкетата на Брима, што ексклузивно ја објави „Слободен печат“. според која независните со 3,5% направија вистински продор, со рејтинг поголем од некои политички партии, вели Босилков во денешното гостување во Утрински брифинг.
