ВИДЕО | Барселона го понижи Атлетико во Мадрид
Барселона вечерва славеше во дербито во Ла Лига против Атлетико со 0:3 и така по подолго време се врати на втората позиција.
Влезе Барселона во натпреварот драстично ослабена бидејќи отсуствуваа дури петмина првотимици, но и во таква ситуација каталонскиот гигант издоминира на „Ванда Метрополитано“.
Се до завршницата од првото полувреме не видовме некој посериозна прилика, но тогаш фудбалерот кој е позајмен од Атлетико Мадрид, Жоао Феликс ја погоди мрежата на „јорганџиите“.
Само што почна второто полувреме во 47. минута Роберт Левандовски зголеми на 2:0, а победата ја потврди Фермин Лопез со голот кон средината на вториот дел. Треба да се истакне дека Левандовски одигра одличен натпревар и освен голот запиша и две асистенции.
На табелата Барселона сега има 64 бода, осум помалку од Реал Мадрид на девет кола пред крајот. Атлетико со поразот испадна од првата четворка и сега е петти.