Вознемирени туристи викендов ја повикале полицијата, откако забележале голема змија близу плажата на Златниот Брег во австралиската држава Квинсленд.

Полицајците дошле многу брзо и ја лоцирале змијата, а снимката од нивната „интервенција“ привлече многу внимание на социјалните мрежи.

На видеото се гледа како двајцата полицајци се обидуваат да ја стават, поточно да ја натераат да влезе во мала кесичка од ланецот за брза храна „Hungry Jack’s“. По долготрајните, неуспешни обиди на полицајците да ја сместат змијата во кесичкаат, некој од присутните коментира: „Им треба поголема кеса“.

Иако полицијата во многу делови од Австралија често мора да се справува со вакви ситуации, медиумите пишуваат дека змијата била отровна, а конкретниот полицаец не бил обучен за соодветно да постапува со опасни змии, што може и да се види на снимката. Експертите велат дека е вистинска среќа што влекачот не го каснал органот на редот.