Немам впечаток дека изјавата на Закаријаш има скриена порака. Тоа е всушност неформален ручек каде новинарот кој бил соговорник на ручекот ја снима министерката за Европа на Португалија. Во таа смисла, формално, според Преспанскиот договор придавката северномакедонски е забранета во било кој контекст и не се користи.

Вакви лапсуси можат да се случат повеќе, бидејќи не сите го познаваат контекстот, ниту пак сите ја имаат истата дисциплина или им е толку важно како се користи таа придавка. Мислам дека нашето МНР треба да реагира на тоа со упатување дека таа придавка согласно Преспанскиот договор е забрнета во било која употреба. Таква придавка не постои. Не постои народ, култура и идентитет т.н северномакедонски. Мислам дека се работи за цитат на министерката кој е директно преземен од материјалите и позициите кои Бугарија ги користи. Грешка, лаконско гледање на проблемот, без посерионо разбирање на контекстот и цитат на некои аргументи кои нејзе и биле сервирани во тој период. Таков однос не провејува во Португалскиот предлог, ниту пак во однесувањето на другите португалски официјални лица. Така што во таа смисла не мислам дека премногу треба да не загрижува дека тоа е промена на ставот на ЕУ, дека се менува ставот кон македонскиот идентитет, изјави во Утрински брифинг Петар Арсовски, истражувач на јавното мислење и политички аналитичар.

-26 земји членки се против внесувањето на јазикот и културните и идентитетските прашања во процесот на преговори, односно едногласно го поддржаа Португалскиот предлог, кој билатералните преговори помеѓу Македонија и Бугарија ги вади надвор од преговарачката рамка и ги става во процесот на стабилизација и асоцвција. Така што јас не мислам дека на Бугарија и е дозволено да ја злоупотребува својата позиција на моќ и членство во ЕУ во овој т.н проблем, но мислам дека ЕУ нема дополнителни механизми токму заради методот на одлучување со кој може да ја натера Бугарија да се однесува пристојно. Тоа е дебата која сега се отовра во ЕУ – дали сите земји членки треба д аимаат право на вето, дали треба да се задржи принципот на одлучување со консензус, но тоа е долготрајна дебата која ќе трае многу долго после нашиот спор или после нашиот евентуален почеток на преговори. Така што мислам дека во моментов ние сме упатени на тоа дека принципелниот став на 26-те земји членки дека овие прашања не треба да најдат свое место во преговорите и ние треба да се држиме до тоа, смета Арсовски.

-Нас не не засега многу што мислат Бугарите за нас, тие имаат право на свои предрасуди, илузии, мислења, како и секоја земја членка, проблемот е ако тоа мислење стане европско мислење. Ние токму тоа с епротивиме. 26 земји членки, официјалните инситуции на ЕУ нека комуницираат со нас на македонски јазик, да не се внесува културниот и националниот идентитет во процесот на преговори, а Бугарија нека си има свое мислење како сака, вели Арсовски.

Целиот разговор во кој политичкиот аналитичар Арсовски говори и за претстојното словенечко претседателство погледнете го во видеото: