Девет лица загинаа, а десетици останаа заробени откако древниот хинду храм Ањани Махадев Мандир се урна поради обилните дождови во северната индиска држава Химачал Прадеш, пишува Би-Би-Си.

Спасувачките операции се во тек откако свлечиште погоди храм во популарниот туристички град Шимла. Во Химачал Прадеш изминативе неколку дена врне силен дожд, предизвикувајќи поплави и лизгање на земјиштето.

On Monday morning, an ancient Hindu temple in the northern Indian state of Himachal Pradesh collapsed due to heavy rainfall. Nine people have died and dozens more are feared to be trapped under the debris. Rescue operations are underway. #uttarakhand #rain #rescue pic.twitter.com/tkyPvHNF2j

— BBC News India (@BBCIndia) August 14, 2023

Дваесет и едно лице загина во последните 24 часа во несреќи поврзани со дождовите. Државниот министер Сухвиндер Синг Суху изјави на местото на одронот дека околу 20 до 25 луѓе би можеле да бидат заробени под урнатините.

Видеата споделени на социјалните мрежи во изминатите неколку дена покажуваат дека реката носи куќи и возила, како и дрвја на врвот на автомобилите.

Неколку часа пред да се урне храмот, седум лица загинаа во невреме во областа Солан. Министерот Суху апелираше до луѓето во државата да останат дома поради дождот, јавува Би-Би-Си.