ВИДЕО | Анализа: Мицкоски во Косово купува јаглен
На меѓувладина седница во Приштина, денеска ќе се одржи средба меѓу премиерите на Косово и Македонија, Албин Курти и Христијан Мицкоски. Се очекува премиерите да потпишат меморандум за енергетика, рударство и минерални суровини каде се дефинираат иницијативи за соработка во полето на енергетика, гас, јаглен, електрична енергија и на релевантни инфраструктурни проекти за интерконекција за гас и други проектни иницијативи.
Препорачано
– Очигледно е дека јагленот ќе биде во центарот на преговорите меѓу двете страни. Енергетската криза влегува во трета година, а оваа зима се очекува да биде особено тешка кога е во прашање потрошувачката на електричната енергија. Руската авијација веќе подолго време ја цели енергетската инфраструктура на Украина, па се очекува наредниот месец кога температурите ќе бидат далеку под нулата, Украинците да повлечат големо количество на електрична енергија од своите западни соседи, што ќе значи дека речиси целиот европски вишок ќе биде потрошен. Затоа земјите од Европа самите ќе треба да произведуваат струја, па косовскиот јаглен кој го увезува Македонија секако дека ќе биде клучен за обезбедувањето на нашата енергетска независност, иако тоа во исто време ќе значи и поголемо загадување – вели новинарот на Слободен печат, Срѓан Ивановиќ.
Целата анализа погледнете ја на следниот линк:
