Непосредно пред стартот на дербито во македонската ракометна Супер лига помеѓу Вардар 1961 и Еурофарм Пелистер, во пензија беа испратени двајца поранешни репрезентативци.

Борко Ристовски (голман) и Стојанче Стоилов (пивот) официјално ја завршија играчката кариера, пренесуваат од РК Вардар 1961.

Двете вардарови ѕвезди добија подароци од почесниот претседател на скопските „црвено-црни“, Михајло Михајловски.

– Тажен сум бидејќи две вардарови ѕвезди веќе нема да играат во дресот на Вардар, но среќен што остануваат дел од клубот – изјави Михајловски.

Како што е веќе познато, Ристовски е новиот Извршен директор на РК Вардар 1961, а Стоилов е во стручниот штаб предводен од Владо Недановски.