Вардар 1961 го освои трофејот на 49 издание на традиционалниот ракометен турнир годинава во Струга. „Црвено-црните“ славеа после две одиграни продолженија против големиот ривал Е. Пелистер со резултат 33:32.

Дури во 28 минута една од екипите стигна до два гола позитива, доволно говори за израмнетото прво полувреме и квалитетот на тимовите.

На Вардар му беа потребни цели шест минути да постигне гол, откако Дибиров и Гурбиндо не погодија од добри позиции, односно Секели ги бранеше нивните удари. Добар на нашиот гол беше и Томовски, кој имаше свои добри периоди на голот. Се играше цврсто во одбраната, а првиот гол за Вардар го постигна Ѓукиќ и тоа од бековска позиција. Се играше гол за гол, со мини серија од двете екипи, но немаше резултатско одлепување.

Откако резултатот беше израмнет на 11:11, Вардар прв успеа да стигне до два гола разлика, најпрво Дибиров ја врати предноста, за Томовски да одбрани зицер удар на противникот за израмнување, а тоа да го надогради Ѓукиќ кој донесе предност од 13:11. До крајот на првото полувреме, Вардар ја зачува предноста, и на одмор се замина со резултат 15:14.

Вардар не искористи два напади за плус два гола позитива, затоа Е. Пелистер успеа да го израмни резултатот. Секој нереализиран удар на скопскиот клуб, се казнуваше од страна на битолскиот состав, Ѓукиќ повторно не го совладува Секели, а Е. Пелистер за прв пат стигна до два гола позитива. Вардар 1961 беше во негатива и од три гола, но воглавно долг период играчите на Жељко Бабиќ имаа предност која се движеше од еден-два гола. Сепак, Вардар не се предаваше, успеа и тактиката на Веселин Вујовиќ „7 на 6“. Со осмиот гол на Гаџа Вардарци израмнија на 26:26 во 57 минута.

Следуваше голема драма во Струга, Вардар најпрво израмни, а потоа и се одбрани со четири играчи. После истекот на 60 минути резултатот беше израмнет, па се играа продолженија.

После истекот на првото продолжение од пет минути, Е. Пелистер беше во предност од еден гол. Секели повторно се разбрани па претставуваше голема пречка до голот на вардаровите играчи, а Е. Пелистер реализираше во своите напади. Во второто продолжение, Томовски одбрани удар за два гола негатива, а Дибиров донесе ново израмнување на резултатот. Во последниот напад на Вардар 1961 беше досуден пенал кој го реализираше Дибиров кој донесе победа за освојување на трофејот.

На тој начин, Вардар му врати на големиот ривал за поразот од Супер Купот на Македонија и од ланското финале на истиот турнир. Претходно во борбата за третото место Бутел Скопје го совлада Тиквеш (29:20), а Металург е петтопласиран во победата над домаќинот Струга (29:23).