Првиот човек на Барса, Бартомеу веќе одлучи кој е вистинскиот кандидат да го замени Ернесто Валверде како шеф на тимот. Претседателот на каталонскиот фудбалски гигант сака следната сезона тимот да го води актуелниот холандски тренер Роналд Куман.

Барселона забележа реми 2-2 во градското дерби против Еспањол, а синоќа дозволи пораз од 2:3 против Атлетико Мадрид во полуфиналниот натпревар од шпанскиот Суперкуп.

Во последните неколку месеци се шпекулира за различни имиња за тренерската позиција на „Камп Ноу”, но сега Бартомеу се чини дека се одлучи за Роналд Куман.

Против отказ за Валверде е Уругваецот Луис Суарез кој смета дека играчите се виновни поради поразот од Атлетико Мадрид.

– Валверде не е виновен, грешките се наши кои не смеевме да ги правиме. Не знам дали ваквите порази ни помагаат да се развиваме како клуб, но очигледно укажува на деталите кои треба да ги поправиме во иднина – рече Суарез.