Нешто пред 15.00 часот попладнево се случило пукање во белградската населба Баново Брдо – непознат напаѓач пукал во Дејан Г.(19), по што побегнал.

Жителите на овој дел од градот велат дека се шокирани, а некои од нив дури и го виделе напаѓачот како бега.

„Не ми се верува дека некој застрела 19-годишно дете сред бел ден. Ужас. Ранетото момче беше во автомобил на семафорот, кога притрча друг млад човек и испука неколку куршуми кон него. Почна да плаче и да лелека, не очекуваше дека некој ќе сака да пука во него. Напаѓачот веднаш избега со пиштолот во рака“, изјави очевидец за „Курир“.

„Дејан наводно ѝ е познат на полицијата од порано, а се сомнева дека жртвата и напаѓачот се познавале. Исто така, постои сомнеж дека напаѓачот побегнал во правец на улицата „Пожешка“, вели извор од полицијата за „Курир“.