Азаренка во полуфиналето ја елиминираше Серена Вилијамс, а Осака беше подобра од Џенифер Брејди, па така завршната битка на грен слем турнирот УС Опен во женска конкуренција ќе помине без Американки.

Викторија Азаренка и Наоми Осака ќе играат во големото финале оваа година. Белорусинката Азаренка после пресврт и голема борба ја совлада С. Вилијамс со 2:1 во сетови 1:6, 6:3 и 6:3 и се пласираше во првото грен слем финале после седум години.

За Азаренка ова е прва победа против Вилијамс уште од 2016 година. За титулата ќе игра против Јапонката Осака која со 7:6, 3:6 и 6:3 ја совлада Џенифер Брејди. Ова е второ финале во кариерата за Осака на УС Опен, претходно играше во 2018 година кога и го освои трофејот.

Следуваат машките полуфинални дуели, Пабло Карењо Буста (Шпанија) се соочува со Германецот Александер Зверев, а Русинот Данил Медведев за ривал го има Доминик Тим од Австрија.

Хрватот Мате Павиќ и Бразилецот Бруно Соареш ја освоија титулата во двојки во машка конкуренција на УС Опен, откако во финалето славеа триумф над осмите носители Весли Колхоф од Холандија и Хрватот Никола Мектиќ од Хрватска со 7:5, 6:3.