Уапсени Тајванци кои воделе операции за трговија со луѓе во Словенија и Хрватска
Акцијата е спроведена во соработка со Специјалното јавно обвинителство, а криминалната група дејствувала и на териториите на Словенија и на Хрватска.
Во повеќе црногорски градови полицијата утрово уапси повеќе од 50 Тајванци осомничени за трговија со луѓе и за измама, објавија црногорските медиуми.
Уапсени се и организаторите на групата. Тие биле сместени на повеќе локации во изнајмени вили и вршеле измама преку интернет од Црна Гора во Кина и Тајван. Организаторите и групата се здобиле со незаконска имотна корист од повеќе стотици илјади евра.
Акцијата е спроведена во соработка со Специјалното јавно обвинителство, а криминалната група дејствувала и на териториите на Словенија и на Хрватска.
За полесно да се реализира, акцијата е спроведена во соработка со тајванската полиција која испрати голем број службеници во Црна Гора.