Уапсена е поранешната премиерка на Шкотска Никола Старџен
Поранешната премиерка на Шкотска Никола Старџен денеска е уапсена, a осомничена e за истрагата за финансиите на Шкотската национална партија (СНП).
Поранешната премиерка на Шкотска и лидер на СНП во моментов е испрашувана од детективи.
Како што објави Полицијата на Шкотска, уапсена е 52-годишна жена, осомничена во врска со тековната истрага за финансирањето на Шкотската национална партија.
-Работата е активна за целите на Законот за непочитување на судот од 1981 година и затоа на јавноста и се советува да биде претпазлива доколку се дискутира на социјалните мрежи. Бидејќи истрагата е во тек, не можеме да коментираме повеќе, се вели во соопштението од шкотската полиција.
Update on investigation into Scottish National Party funding and finances.
More: https://t.co/0zR05TnK4o pic.twitter.com/WNA9OTJX3Q
— Police Scotland (@PoliceScotland) June 11, 2023
На 5 април, полицајците го претресоа нејзиниот дом и седиштето на партијата во Единбург.
Полицијата го уапси и нејзиниот сопруг Питер Мурел, поранешен извршен директор на СНП, кој беше ослободен без да се покрене обвинение.
По две недели приведен беше и благајникот на СНП, Колин Бити, но и тој беше ослободен без обвинение, појасни Би-би-си.
Мурел и Бити беа третирани како осомничени и беа приведени за законски дефинираниот период до 12 часа на испрашување пред да бидат ослободени во очекување на дополнителни истраги.
Според шкотскиот Закон за кривична правда од 2016 година, полицијата може да го ослободи осомничениот за натамошна истрага, но истиот подоцна може повторно да биде уапсен.