Фудбалската репрезентација на Македонија до 19 години ќе игра во групата „12“ од прелиминарната рунда квалификации за пласман на Европското првенство 2025 година кое ќе се одржи во Романија.

Противници на нашите фудбалски надежи ќе бидат репрезентациите на Словачка, Летонија и Луксембург, така одлучи жрепката во Нион.

Пласман во елитната рунда квалификации ќе обезбедат првопласираните две репрезентации од секоја група, како и една најдобро третопласирана репрезентација.

Термините и домаќините на турнирите ќе бидат одредени подоцна.

Вкупно 27 национални тимови од прелиминарната рунда квалификации ќе ѝ се приклучат на Португалија во следната елитна фаза.

А во елитната рунда квалификации 28-те репрезентации ќе бидат поделени во седум групи и само првопласираните ќе обезбедат пласман на континенталниот шампионат.