Три стана и гаража кои беа конфискувани од поранешниот директор на УБК, Сашо Мијалков од денеска се на продажба информира Агенцијата за управување со одземен имот.

-Имено, станува збор за три стана кои што се наоѓаат на ул.Славејко Арсов, еден од 78м2, два од 73м2 и една гаража од 30м2 на КО Центар 2, одземени со правосилна пресуда I KOK-ПП.бр.283/2022 од Основен кривичен суд Скопје.” Со продажбата на овие четири недвижности во буџетот на државата ќе се уплатат средства во висина од 20.316.663 денари или 330.350 евра, се вели во објавата од Агенцијата.

Агенцијата за управување со одземен имот во септември продаде вкупно три одземени недвижности од Мијалков, согласно правосилната пресуда за случајот „Империја“.

Претходно, во јули годинава на аукција на берза беа ставени запленети акции на Мијалков.