Непознати сторители опожариле три контејнери за отпад лоцирани на булеварот „Крсте Мисирков“ во близина на Бит Пазар.

Опожарените контејнери биле со зафатнина од 3,2 метри кубни и се целосно уништени и неупотребливи, информираат од ЈП „Комунална хигиена“.

Од ова јавни претпријатие велат и дека, опожарените контејнери веднаш ги заменле со нови за како што велат да не се наруши динамиката на одлагање, собирање и транспорт на комуналниот отпад.

– Ова е трет случај годинава од страна на непознати сторители да бидат опожарени садови за одлагање отпад на истата локација – велат од ЈП „Комунална хигиена“ од каде што меѓу другото апелираат да престане уништувањето на контејнерите, за како што велат, екипите на претпријатието да можат навремено да ги извршуваат своите работни обврски на терен, согласно оперативната програма за работа.

Од ЈП „Комунална хигиена“ информираат и дека сите случаи на опожарување на контејнерите се пријавени до надлежните органи и упатуваат апел до МВР во најкус можен рок да бидат преземени соодветни мерки за да се пронајдат и санкционираат сторителите.