Тренерот ме нарекуваше мајмун и ми велеше да се вратам во џунгла
Фафа Пико, американски фудбалер кој е роден на Хаити откри дека додека настапуваше во Италија имаше големи проблеми со расизмот.
Пико од 2006 до 2011 година го носеше дресот на Калјари и во овој клуб се соочуваше со расистички навреди кои доаѓаа од неговиот тренер.
– Постојат разни облици на расизам, се среќавав со нив во соблекувалните и на разни стадиони. Со 16 години пристигнав во Италија и почнав да играм за Калјари една година подоцна. Бев дел од резервниот тим и тогашниот тренер беше една од најлошите личности кои ги имам запознаено во мојот живот. Ми велеше дека сум мајмун и оти треба да се вратам во џунглата во Африка. Зборуваше дека црномурестите фудбалери немаа техника и дека само се брзи, дека знаат само да трчаат и поради тоа и јас сум бил ангажиран – изјави актуелниот играч на Далас.
Fafa Picault was just a teenager when he played for Cagliari.
The racist abuse he received was absolutely disgusting.#BlackLivesMatter pic.twitter.com/g5dt0CBD0e
— Goal (@goal) June 19, 2020