Доналд Трамп, кандидат за претседателските избори во САД во ноември успеал да собере повеќе од 50,5 милиони долари за својата изборна кампања за време на вечерата во Палм Бич, недалеку од Мар а Лаго, луксузната резиденција на поранешниот претседател на Флорида.

Настанот го организирал милијардерот Џон Полсон, а меѓу гостите биле и бизнисменот Роберт Бигелоу, кој своето богатство го заработил во угостителската индустрија пред да биде на чело на компанија за истражување на воздухопловството и Џон Кациматидис, сопственик на синџир продавници за намирници.

Трамп за медиумите истакна дека ноќта била неверојатна уште пред да започне и дека луѓето сакале да донираат за да ја направат Америка повторно голема.

Пред една недела, демократот Џо Бајден организираше слична вечера во Њујорк со учество на поранешните претседатели Бил Клинтон и Барак Обама, но  успеа да собере само 25 милиони долари.

Собраните суми се користат за финансирање на турнеите на претседателските кандидати низ земјата, за плаќање на нивните тимови, за издавање анкети и за плаќање на телевизиски реклами.