Тошковски за инцидентот пред угостителскиот објект: Известен е јавен обвинител
Техничкиот министер за внатрешни работи, Панче Тошковски преку Фејсбук го осуди насилството и напиша дека за инцидентот кој се случи утрово пред угостителски објект на територија на СВР Скопје, а во кој се инволвирани полициски службеници, работат на расветлување.
„Во однос на инцидентот кој се случи изутринава пред угостителски објект на територија на СВР Скопје, а во кој се инволвирани полициски службеници, сакам да ја известам јавноста дека најостро осудувам секаков вид на насилство, а особено кога истото е сторено од страна на вработени во министерството за внатрешни работи. За наведниот настан веднаш е известен надлежен јавен обвинител кој даде насоки по кои во моментов се постапува, а од страна на надлежните служби во министерството побарав да се постапи максимално професионално и согласно стандардните оперативни процедури, сè со цел во најбрз можен рок да се расчисти овој случај, а за исходот од преземените дејствија веднаш ќе биде известена јавноста“, напиша Тошковски.
Претсходно ВМРО-ДПМНЕ соопшти дека лицето кое нападнало полицаец ќе биде отстранет од обезбедувањето на престеадтелот на ВМРО-ДПМНЕ Христијан Мицкоски.
За тепачката пред угостителскиот објект објави дополнителниот министер во МВР Митко Бојмацалиев и побара професионално да се расветли случајот.