До 2050 година Европа мора да стане климатски неутрална, изјави потпретседателот на Европската комисија Франс Тимерманс, кој учествува на состанокот на европските социјалисти во Берлин. Во германскиот главен град, премиерите и комесарите разговараат за визијата за поправеден и поодржлив пат за Европа.

Според Франс Тимерманс, новите зелени политики мора да содржат и социјална белег, а плановите за зелена транзиција мора да создадат нови, подобри работни места, подобра социјална заштита, почист воздух и подобра храна, но сето тоа мора да биде достапно за сите Европејци.

Тимерманс е оптимист дека за 20 години, Европа ќе обезбеди квалитетни работни места и младите ќе можат да живеат како што ќе изберат. Тогаш ќе се постигне целосна еднаквост помеѓу мажите и жените.

Комесарот на ЕУ за економија Паоло Џентолини истакна дека клучниот збор за заздравување на ЕУ е промена, но за да се реализира тоа – не треба да се повторуваат политиките од послендите 10 години.