Тежок е патот до Евро 2024: Македонија ќе игра во група со Италија и Англија
Денеска со жрепка во Франкфурт македонската А репрезентација ги дозна ривалите во редовните квалификации за пласман на Европското првенство 2024 година во Германија.
Среќата не беше на наша страна, нашата селекција ќе игра во групата „Ц“ со актуелниот европски шампион Италија кој го елиминиравме во баражот за пласман на Светското првенство 2022.
Потоа, противник ни е Англија, уште еден гигант кој заедно со Италијанците ќе бидат главни фаворити за првите две места кои водат на континенталниот собир. Со нас во групата се и репрезентациите на Украина и Малта.
Квалификациските натпревари ќе се играат во 2023 година, најдобрите две селекции од секоја група ќе се пласираат на ЕП, а последните три места ќе им припаднат на победниците од плеј-офот во Лигата на нации.
The Euro 2024 qualifying draw is now complete.
Which is your favourite team?#RadullKE pic.twitter.com/zvakEXOLgA
— Carol Radull (@CarolRadull) October 9, 2022
Квалификации за ЕП 2024
Група „А“: Шпанија, Шкотска Норвешка, Грузија, Кипар.
Група „Б“: Холандија, Франција, Република Ирска, Грција, Гибралтар.
Група „Ц“: Италија, Англија, Украина, Македонија, Малта.
Група „Д“: Хрватска, Велс, Ерменија, Турција, Летонија.
Група „Е“: Полска, Чешка, Албанија, Фарски Острови, Молдавија.
Група „Ф“: Белгија, Австрија, Шведска, Азербејџан, Естонија.
Група „Г“: Унгарија, Србија, Црна Гора, Бугарија, Литванија.
Група „Х“: Данска, Финска, Словенија, Казахстан, Северна Ирска, Сан Марино.
Група „И“: Швајцарија, Израел, Романија, Косово, Белорусија, Андора.
Група „Ј“: Португалија, Босна и Херцеговина, Исланд, Луксембург, Словачка, Лихтенштајн.