Тешка задача за Вардар во ЛШ: Црвено-црните ќе играат против „своите“ Гонзалез, Криштопанс, Карачиќ, Скубе, Душебајев…
Сè уште актуелниот европски шампион Вардар ќе биде дел од групата А во новото издание на елитното натпреварување.
Новиот Вардар на есен ќе сврти нова страница во клупската историја, досегашниот сопственик Сергеј Самсоненко кој „донесе“ две титули си замина и на негово место дојде старо-новиот претседател, Михајло Михајловски.
Препорачано
На денешната жрепка во седиштето на ЕХФ, Вардар кој беше еден од носителите ќе игра во Групата А, заедно со францускиот ПСЖ кој исто така беше носител во жрепката.
Покрај тимот кој го предводи поранешниот тренер на вардарци, Раул Гонзалес, се наоѓаат и екипите на Порто, Киелце, Пик Сегед, Мешков Брест, Елверум, и Фленсбург и го очекуваат пресметки со ракометари кои порано настапуваа за „црвено-црните. Покрај Гонзалес кој седи на клупата на ПСЖ, во новата сезона член на „светците“ ќе биде и Даинис Криштопанс, Игор Карачиќ и Алекс Душебајев играат за Киелце, Сташ Скубе ќе игра за Мешков Брест, а голот на Порто ќе во новата сезона ќе го брани македонскиот репрезентативец Никола Митревски.
Во групата Б, капитенот на македонската репрезентација Кире Лазаров со неговиот Нант го очекуваат пресметки против Барселона, Веспрем и Дејан Манасков, Алборг, Кил, Мотор, Целје и Загреб.
ГРУПА А: Вардар, ПСЖ, Киелце, Порто, Пик Сегед, Мешков Брест, Елверум, Фленсбург.
ГРУПА Б: Барселона, Веспрем, Кил, Алборг, Нант, Мотор, Целје, Загреб.
