ТАВ најави сезонска авиолинија Скопје-Сплит
Од 12 мај оваа година хрватскиот национален превозник Croatia Airlines ќе воведе нова сезонска авиолинија на релација Скопје–Сплит, најавија од ТАВ Македонија.
Авиокомпанијата ќе лета меѓу главниот град на Северна Македонија и туристичкиот центар на Далмација во текот на летната сезона, од 12-ти мај до 14-ти октомври 2023 година. Во овој период, Croatia Airlines ќе сообраќа со воздухоплов Dash 8-Q400, со капацитет од 76 седишта, два пати неделно, секој вторник и петок. Времето на пристигнување во Скопје ќе биде во 23:25 часот во вторник / 23:00 часот во петок, додека времето на заминување ќе биде во 5:45 часот, и во среда и во сабота. Времетраењето на летот меѓу Скопје и Сплит е околу 1 час и 25 минути, се вели во соопштението.
Сплит ќе биде втората дестинација во Хрватска со која е поврзан Меѓународниот Аеродром Скопје. Хрватската национална авиокомпанија лета на релација Скопје–Загреб секој ден.