Светски рекорд во Серија А: Фудбалер на Торино се повреди за помалку од три секунди
Пјетро Пелегри некогаш важеше за голема надеж на италијанскиот фудбал, меѓутоа повредите во неговата кариера му направија многу проблеми и никогаш не ги исполни очекувањата.
Денес Пелегри го носи дресот на Торино и за викендот „успеа“ да сруши светски рекорд. Имено, во натпреварот против Болоња тој се повредил само две секунди и три десетеники откако започна натпреварот. Moментот кога се повредува Пелегри е на 1:14 од видеото.
Италијанскиот „Тутоспорт“ објави дека вакво нешто не се случило никогаш во историјата. Пелегри само што тргна кон противничката половина се пожали на повреда, а по укажаната лекарска помош беше потврдено дека не може да продолжи.
Рекордот пред Пелегри го држеше Марко Медел од Чиле кој на натпреварот Сантијаго Вандерерс – Универзидад де Консепсион бил повреден откако соиграч налетал на него.