Новиот дизајн на седиштата во авионите би можел да биде иднина на патувањата по пандемијата коронавирус.

Станува збор за хигиенски панели вградени во секое седиште, а средишните седишта во авионот би биле свртени наназад. Овој револуционерен начин на седење во авионите по стравот од зараза од инфекцијата го развила компанијата „Avio Interiors“.

Во економската класа, секое седиште за патниците би имало пластичен оклоп во облик на буквата С околу главата и од двете страни, за да се спречи било каков контакт со патниците кои седат веднаш до нас.

Овој панел или оклоп овозможува комуникација, но спречува потенцијално ширење на вирусот меѓу патниците во авионот. Оклопот исто така не им пречи на патниците доколку прават некои активности (читање, пишување) во текот на летот, или пак при консумирањето на нивните оброци.

На овој начин компанијата сакала да избегне или пак да го сведе на минимум контактот и интеракцијата на патниците за да се намали можноста од зараза.

Овие заштитни оклопи би можеле да се постават на веќе постоечките седишта во кабината на авионот. За удобноста, дополнително ќе се разгледуваат опциите.