Обединетите нации и неколку земји го осудија нападот на палестински вооружен напаѓач на периферијата на Ерусалим во близина на синагога во кој загинаа седум лица, а повеќе беа ранети, а американскиот претседател Џо Бајден му ја понуди сета помош на израелскиот премиер Бенјамин Нетанјаху.

САД најостро го осудуваат ужасниот терористички напад што се случи пред синагога во Ерусалим. Ние сме во близок контакт со нашите израелски партнери и ја потврдуваме нашата непоколеблива посветеност на безбедноста на Израел, изјави американскиот државен секретар Антони Блинкен, кој наскоро треба да отпатува во регионот.

Американскиот претседател Џо Бајден разговарал со израелскиот премиер Бенјамин Нетанјаху и ги понудил сите соодветни средства за поддршка, соопштија од Белата куќа.

Нападот го осудуваат ОН, Емиратите, Велика Британија

Нападот го осуди и генералниот секретар на ОН, Антонио Гутереш, кој е загрижен за ескалацијата на насилството во Израел и окупираната палестинска територија. Тој повика на воздржаност, рече портпаролот на ОН Стефан Дујарик.

Обединетите Арапски Емирати го осудија нападот врз синагогата, објави државната новинска агенција ВАМ, повикувајќи се на соопштение на израелското Министерство за надворешни работи. Седум лица загинаа, а десет се повредени. Британскиот министер за надворешни работи Џејмс Клеверли исто така го осуди нападот.

Да се ​​напаѓаат верници во синагога на Денот на сеќавањето на Холокаустот и за време на Шабат е ужасно. Ние стоиме со нашите израелски пријатели, рече Клеверли.

At least seven people were killed after a gunman opened fire at a Jerusalem synagogue, a day after the deadliest Israeli raid in the West Bank in years https://t.co/zBjobarGAu pic.twitter.com/k9bL2PPHYG

— Reuters (@Reuters) January 28, 2023