Изгледа малите навики навистина можат да имаат огромно влијание врз успехот. Социоекономистот Рандал Бел, кој ги проучува најуспешните и најбогатите луѓе во светот во последните 25 години, откри една навика која ја делат речиси сите милионери. Она што е најинтересно – потребно е помалку од една минута за да ја усвоите оваа навика.

Бел анализирал повеќе од 5.000 луѓе од различни профили, вклучувајќи студенти, невработени и милијардери, фокусирајќи се на нивните секојдневни рутини. Во својата книга „Me We Do Be“, тој објаснил како едноставните навики што ги практикуваме секој ден можат значително да влијаат на успехот.

Навики кои водат до успех

Најважната од овие навики, според Бел, е – местењето на креветот наутро. Иако изгледа тривијално, оваа навика може да ги зголеми шансите да станете милионер за дури 206 отсто.

„Оние коишто го местат креветот секое утро се многу посклони кон успех“, тврди Бел.

Причината е едноставна – оваа навика веднаш наутро создава позитивен начин на размислување (ментален склоп) кој води до попродуктивен и поорганизиран ден.

Покрај местењето на креветот, Бел идентификувал уште неколку клучни „навики на богатите“:

– Будење рано наутро – најмалку три часа пред почетокот на работниот ден.
– Редовно телесно вежбање – познатите милијардери како Марк Закерберг и Ричард Бренсон ја вклучуваат физичката активност во својата секојдневна рутина.
– Читање и учење – континуираното усовршување го зголемува интелектуалниот капитал.
– Негување романтични односи – успешните луѓе посветуваат време на своите партнери.
– Планирање на денот – секое утро тие ги дефинираат целите и приоритетите.

Истражувањата на Бел покажуваат дека токму тие мали навики создаваат дисциплина и продуктивност кои водат до финансиски и професионален успех. Значи, ако сакате да ги зголемите вашите шанси за успех – започнете со едноставен чекор: местете го креветот секое утро.