Македонскиот шампион Струга Трим Лум денес го доби потенцијалниот противник во второто квалификациско коло во Лигата на шампионите каде што ќе игра ако го помине литвански Жалгирис.

Струга за потенцијален ривал во второто коло го доби турскиот гигант Галатасарај. Струга во тој двомеч во првиот дуел би играла како домаќин, меѓутоа прво треба да се помине Жалгирс.

Жалгирис не игра така добра сезона и во литванското првенство е на третата позиција, но ќе видиме како ќе одиграат во двомачот со македонскиот претставник. Ќе потсетиме, ако Струга биде елиминирана од Жалгирис европските квалификации ги продолжува во Конференциската лига каде што се веќе Шкендија, Шкупи и Македонија Ѓорче Петров.