Британскиот пејач Роби Вилијамс синоќа одржа концерт во австралискиот град Сиднеј, во рамки на неговата концертна турнеја „XXV“.

Но, она што требаше да биде ноќ за паметење и квалитетна музика се претвори во морничава сцена. Имено, додека бројните посетители ги слушаа најголемите хитови на Вилијамс, една обожавателка се обидела да прескокне неколку редови за да биде што поблиску до поп-ѕвездата.

Според првите информации, оваа 70-годишна жена се лизнала и паднала низ шест реда седишта на стадионот Алијанц. Таа се здобила со повреди на главата и лицето за време на инцидентот и итно била пренесена во болница во критична состојба.

Во моментов, повредената обожавателка е во кома и ќе биде на интензивна нега сѐ дури не ѝ се подобри состојбата, пишува „Дејли мејл“.